تخاريف

لما تكون وسط الحياة

عايش يادوب فرحان سعيد
جوه حارتكم قالوا عنك :
أما واد عفريت صحيح
سابق لسنك
طفل بتضحك وقت الضيق
لناس كتير أوفي صديق

عايش طفل , وجواك كهل
عايش بالفطرة
ودي مش مثالية
ده يادوب طبع

ضحكتك ملهاش حسابات
دمعتك من غير قيود ولا إنكسارات
بعيونك تطوف جوه القلوب
وتغوص يا عايش بين النفوس
وحكمتك ساعات تصيب لكن كتير بتكتشف
إنك أليف وسط الوحوش

زعلان أوي إنك وحيد
طب قولي إيه فايدة وجودهم ؟
طب فايدة عتابهم ؟
طب حتي قولي إيه فايدة دموعهم ؟
ورغم ده كله لسه وحيد حتي في وجودهم !!

هو العدم أصل الوجود , ولا الوجود أصل العدم ؟
هو الندم خلي القلم أصبح بجم
ولا القلم من الندم صابه السكوت ؟
أصرخ يا صوت وقولهم , إن الصديق رغم الظروف
لازم يكون هو الحمي , هو الحنان وقت اللزوم
هو الحزم , والحياة هو النجاه وسط الغرق
ياااااااااااااااه للدرجة دي المعني جوايا فرق !!

قريت كتب عن الخداع , عن القلوب اللي اشتري منها وبرضو اللي باع
ومر عليا اللي عاش جوه الحياة ميت صحيح , لكن فارقها حي وساب قلوبنا من شوقنا له كتير تصيح
واللي عاش في الدنيا حي وبسببه مات بشر كتير , ولما فارق مكنش فارق

أما صحيح ياما نشوف :

الحــــكمة خـــوف , . والــــعمق شــــــوف ..والـــــحب بـــــوح, .. والحــــزن نــــوح , وأعمي البصيرة يا أخ لــــــــــــوح


إمضاء :

ن.س